Режисерот и сценарист Дејвид Линч, кој радикално го промени американското кино со својата мрачна, надреалистичка уметничка визија, почина на 78-годишна возраст.

Неговото семејство ја објави веста за неговата смрт на социјалните мрежи.

„Светот сега е едно големо празно место бидејќи тој повеќе не е со нас“. Но, како што би рекол: „Фокусирајте се на крофната, а не на дупката“.

Дејвид Линч во август минатата година објави дека има емфизем, но дека не се пензионира.

„Секое задоволство има своја цена“, напиша американскиот режисер на „Х“, потврдувајќи дека боледува од белодробен емфизем поради „долгогодишното консумирање цигари“, но во исто време ги информира своите обожаватели дека „никогаш нема да се пензионира“.

Во интервју за британскиот магазин „Sight and Sound“ во септември, тој призна дека е помалку активен од порано и дека можеби ќе треба да ги поучува своите актери од далечина за време на идните проекти.

Телевизиската серија „Твин Пикс“ и филмовите како „Син сомот“, „Изгубениот автопат“ и „Булеварот на ѕвездите“ комбинираа елементи на хорор, филм ноар, крими мистерија и класичен европски надреализам. Линч раскажуваше приказни.